Aste honetan hasi eta martxoan zehar jarraituz, Anoetako Herri Ikastolako ikasleei sare sozialetan erabilera okerra egiteak zein ondorio izan dezake nahi izan da begi bistan jartzea. Honekin batera zein diren jarraibide zuzenak adierazi eta azaldu zaizkie, beren eguneroko erabilera anitzetan txertatu ditzaten. Gaiak guretzat badu garrantzia eta ispilu lana egiten saiatu gara. Horretarako ertzaintzaren kideak izan ditugu bertan. LH6koekin eta DBH1-2koekin aritu gara aste honetan eta martxoaren erdialdean DBH3-4koek hartuko dute protagonismoa. Sare sozialak ez erabiltzea ez da helburu, zuzen eta tajuz ibiltzea, ordea!
