Larunbata arratsaldean Anoetako plazan ospatu genuen Euskararen Eguna
Abenduaren 3an Euskararen Eguna dela eta, jolasak egin genituen Anoetako frontoian herriko Iratxulo euskara taldeak eta Ikastolako Euskara Elkarteko ikasleek antolatuta.
Arratsaldeko 16:30etik aurrera, zapi-jokoa, aulki-jolasa, koskolak biltzen... aritzeko aukera izan zuten HH eta LHko haurrek.
Jolasak bukatutakoan Iratxuloko kideek Euskararen Eguneko manifestua irakurri zuten eta jarraian "Euskaldun perfektuaren bila" clown ikuskizuna ere izan zen Otsoku eta Pituxaren eskutik.
