DBH4ko ikasle eta irakasleek patata tortila pintxoak eskaini zituzten. Argazkia Ataria-tik
Gure DBH4ko ikasleek igande goizean, patata tortila pintxoak Anoetan egin zen Euskal Jaia festan saltzeko aukera izan zuten. Euskal kultura, ohiturak eta baserritar giroa bultzateko herrigintzan egiten den ekimenera, gure ikasle zaharrenek gerturatzeko eta bertatik ezagutzeko aukera ezinhobea dela pentsatuz, postua jarri zuten. Tutoreen laguntzaz, Ikastolan lanketa berezia egin ondoren (txandak antolatu, ardurak hartu, behar diren erosketak egin, ...), etxean egindako patata tortila pintxoak saldu zituzten, ikasturte bukaeran burutuko duten ikasbidaia ordaintzen laguntzeko. Eskerrik asko goizean zehar bertaratu zinetan guztioi!
Argazkia ATARIAtik hartua da
