Euskal Herriko haurrak saretu eta aisialdi hezitzaile eta euskaldunaz blaitzeko asmoz garatutako udaleku eskaintza da
Urteroko moduan, ZIRIMOLA Ikastolen Aisialdi Taldeak 2024ko udarako eskaintza prest du.
Euskal Herri osoko haur, gazte eta nerabeek parte hartzen dute Zirimolako udalekuetan. Euskara ardatz izanik, ingurune naturalarekin errespetuan antolatzen diren egonaldiak dira. ZIRIMOLAk antolatzen dituen udalekuak Euskal Herri osoan zabaltzen dira, eta, haurrak erdigunean direla, honako balio hezitzaile hauek sustatzen dituzte: parte-hartzaileak dira, naturaz gozatzeko eta ikasteko jarduera-multzoez osatuak daude, ikuspegi inklusiboa eta herritarra dute, eta, ororen gainetik, euskaldunak dira.
Gogoratu izen-ematea irekita dagoela , Martxoaren 4tik maiatzaren 14ra izango da zirimola.eus atarian. Bertan esku-orri digitala informazio guztiarekin topatuko duzue. Animatu zuen seme-alabei bertan parte hartzeko.
