Jazarpenaren aurkako ekimena dinamizatu dute DBH2ko ikasleek
KiVa ikastola izanik eskola jazarpenaren prebentzioan lanketa anitzak egiten ditugu ikasturtertean zehar. Oraingoan Bully Dance dokumentalaren lanketa gauzatu dute ikasleek. Gainera, DBH 2ko ikasleak LH3, LH4, LH 5 eta LH6ko ikasleen gidari izan dira.
Bully Dance marrazki-film laburra da (10), UNICEFek eta National Film Board of Canadak ekoitzia. Tratu txarren jokabideak eta biktimizazio-prozesua identifikatzen ditu. Ez dago hitzik eta mezua argi eta garbi iristen zaio ikusleari. Bisualki interesgarria da eta soinu-banda erritmikoa eta egokia da. Helburua gelan eztabaida piztea da.
